Sujet: Basler Fasnacht 2024

Vogelfrei

Sujet: Basler Garde-Clique MMVIII

50 Johr Disco

Sujet: Basler Fasnacht 2019

bis zletscht

Sujet: Basler Garde-Clique MMVIII

Bsuecherschregg

Die Halle vo Herzog und de Meuron
wird als Mubagraab in d Gschicht yygoo
Die Mäss mit dääre lange Gschicht,
sait Aadie, macht d’Schotte dicht
Friener sin si ko vo Gämpf bis Bärn
Hit, do hebt si d Bsuecher färn
Doozemool Bsuechermagnet, hyt Mässesyychi
Friener goldigi Gans, jetz Voogelschyychi

Sujet: Basler Fasnacht 2018

D Boscht goot ab

Sujet: Basler Garde-Clique MMVIII

Zapfestreich (Clique-Partnerschaft mit de Bastaardä Waggis)

Das Bolizeiproblem isch offesichtlig,
uns dunggts kaine macht si Job me richtig
Me liist von Amtsmissbruch und Korrupzion,
vom glaine Schugger bis in d Diräggzioon
Un au in unserem scheene Basel,
gseesch kaine Daate… heersch numme Gefaasel
Dr Baschi het d Kontrolle scho lang verloore,
die Schugger mache was si wänn, ganz unverfroore
Wie im antigge Rom benimmt sich dä Huffe,
veraastaltet Gelaage, duet frässe und suffe
Doch jetzt isch Schluss! Mr beände dä Saich,
d Garde patrouliert ab em Morgestraich
Die römischi Legion marschiert in Basel yy,
dermit du ändlig wiider kasch sicher syy

Sujet: Basler Fasnacht 2017

Mer spränge dr Raame

Sujet: Basler Garde-Clique MMVIII

Lueg gnau!

Männgi Fasnächtler gänn sich schambaar tolerant,
drbyy git dr Aint im Andere nit d Hand
Clique, Wäägeler und au d Gugge,
zaige sich an dr Fasnacht numme dr Rugge
S glaine Maitli im Waggisgoschdym isch akzeptiert,
dr Bueb als Superheld verklaidet, wird ignoriert
Deert daarfsch nit pfyffe und do nit schränze,
d Fasnacht kennt e Huffe Gränze
Doorum wird die Fasnacht kritisch inspiziert,
und regelrächt vo uns seziert
Egal ob aggdiv, eb Maa eb Frau,
glaub au Du nit alles und lueg gnau

Unser Vers zu den Verweigerern von Silber Plakette schlug in den Sozialen Medien voll ein. Dies als Reaktion auf die Gruppen, welche keine Guggenmusik auf der Brust tragen wollten.

BZ BASEL

"Anstatt der silbernen Plakette kaufen sich in diesem Jahr viele Cliquen-Fasnächtler eine kupferne, seltener auch eine goldene. Grund dafür ist das Motiv auf der Silberplakette: Dort spazieren nämlich drei Guggenmusiker über das Bild."

Sujet: Basler Fasnacht 2016

Mer mache dicht

Sujet: Basler Garde-Clique MMVIII

FIFAffe

Dr Affekeenig muess jetzt go
mit Däsche voll Gäld wird äär entloo
Und dangg Bestächig und Korubbzioon,
het au jeede in däm Verain e guete Loon
Ais isch sicher, au under em neie Obmaa,
wäärde mir s glyychen Affetheater ha

Sujet: Basler Fasnacht 2015

mir basse in kai Schublaade

Sujet: Basler Garde-Clique MMVIII

Alles Männer oder was?

Mir Männer mache hit alles fir unseri super Wyyber-Emanze
Die hittige Zyt verlangt, ass mir no iirne Naase dien danze
Näbem Job no glette, wäsche, Kinder hiete und das ooni Gekleen
Mir maches ys zer Lachnummere bi däm Zirkus, und lauffe drum als Gleen

Sujet: Basler Fasnacht 2014

Gäll, blyb suuber

Sujet: Basler Garde-Clique MMVIII

L E D

Liechter andr Drumpeete und am Sousaphon,
e huffe Gugge vergässe d'Dradizioon
Vor luter LED,
machen ys scho d Auge wee, ...
Kasch bald nimme luege, iiberall gseeschs blingge,
sie kenne weder spiile, no lauffe und sin numme am dringge
Drum lauffe mir am Daag wie d Heerlyt in Frack und Schaal
und am Oobe mache mir au Carneval

Sujet: Basler Fasnacht 2013

zu mir oder zu dir?

Sujet: Basler Garde-Clique MMVIII

Basels Grosser Caesar ruft WIR KOMMEN!!!

Als letschti Amtshandlig sait der Hanspi Gass:
"Ych schigg zem Biirgerschutz d Basler Garde-Clique schnäll uff d Gass"
Doorum lauffe mir dr Cortège numme bis am vieri
- dien mir do brichte - ...
dernoo mien miir in dr Staine bi dr erschte Schleegerei go schlichte

Sujet: Basler Fasnacht 2012

s glemmt

Sujet: Basler Garde-Clique MMVIII

Wild Wild West

An dr Beerse goots wie im Wilde Weschte zue,
dr Frangge gheit gegeniiber em Doller dief drzue
Drumm mache mir ys uff d Goldsuechi im Weschte,
und zaigen ys noonemool bevor mir geen, als di Beschte

Sujet: Basler Fasnacht 2011

zämme fägts

Sujet: Basler Garde-Clique MMVIII

UELI DR GNÄCHT

DR MUURER UELI SAIT:
S greeschte Glygg uff dären Äarde
Wär die bescht Armee z wäärde
Und innere grandiose Reed vor em Parlamänt
maint är, mit dr BGC schaff ych s z letscht amänd!

Marschbefehl zur Fasnacht 2011

Sujet: Basler Fasnacht 2010

e rundi Sach

Sujet: Basler Garde-Clique MMVIII

Dr Deifel in uns

D Gyyr nach Macht und Gäld
regiert scho lang unseri Wält
E jeede will dr besser syy
uf dr Streggi blyybt denn d Sympathyy
Fir drei Daag verhille mr das in e dunggle Umhang
und folge alli zämme im Fasnachtsdrang
So miesst das aigedlig immer syy
aber das isch glaub scho fascht Blasfemyy
S Ainzig wo mir wänd erzyle
isch aifach deiflisch guet spiile
Drum bestoot glaub gar Kai Zwyyfel
in Jedem vo uns steggt e glaine Dyyfel

Sujet: Basler Fasnacht 2009

jetzt simmer laggiert

Sujet: Basler Garde-Clique MMVIII

...unser eerscht Mool

Am 16. Juni 2008 gründeten 21 Interessenten den Verein Basler Garde-Clique MMVIII in den Lokalitäten des Wasserfahrvereins in Basel.